Click on a word to bring up parses, dictionary entries, and frequency statistics
[15]
Praeterea necesse est, qui fortis sit, eundem esse magni animi;1 qui
magni animi sit, invictum; qui invictus sit, eum2 res
humanas despicere atque infra se positas arbitrari. despicere autem nemo potest eas res,3 propter quas aegritudine adfici potest;4 ex quo efficitur fortem virum aegritudine numquam adfici. omnes autem sapientes fortes:
non cadit igitur in sapientem aegritudo. Et quem ad
modum oculus conturbatus5 non est probe adfectus ad
suum munus fungendum,6 et reliquae partes totumve
corpus statu cum est motum, deest officio suo et muneri,
[p. 325]
sic conturbatus7 animus non est aptus ad exequendum8 munus suum. munus autem animi est ratione bene
uti; et sapientis animus ita semper adfectus est, ut
ratione optime utatur; numquam igitur est perturbatus.
at9 aegritudo perturbatio est animi: semper igitur ea
sapiens vacabit.10
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.