Click on a word to bring up parses, dictionary entries, and frequency statistics
Uno eodemque prope tempore post Pertinacem, qui auctore Albino interemptus est, Iulianus a senatu Romae, Septimius Severus ab exercitu in Illyrico, Pescennius Niger in Oriente, Clodius Albinus [2] in Gallia imperatores appellati, et Clodium quidem Herodianus dicit Severi 1 Caesarem fuisse, sed cum alter alterum indignaretur imperare, nec Galli ferre possent aut Germaniciani 2 exercitus quod et ipsi suum specialem principem haberent, undique cuncta turbata sunt. [3] Fuit autem Clodius Albinus familia nobili, [4] Hadrumetinus tamen ex Africa, quare sortem illam, qua 3 Severum laudatum in Pescennii vita diximus, ad 4 5 6 7 8 9 se trahebat, nolens intellegi ‘Pessimus Albus,’ quod eodem versu continebatur quo et Severi laus et [5] adprobatio Nigri Pescennii. sed priusquam vel de vita eius vel de morte dissero, etiam hoc dicendum est quod eum nobilem fecit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.