1
Buzacharine, alto Patavum sate sanguine, quid me
Dilanias miserum, quidve, puer, laceras?
Non mihi prisca meae praeclarae nomina gentis
Desint: quo tibi sum despiciendus ego?
5Egregiam Ligurum vetustam ab origine duco
Stirpem, etsi patriam natus in urbe tua.
Nec fidas forma tantum, nec crede colori:
Nam decus et formam proxime carpet hyems.
Nonne vides magno superes ut vertice patrem,
10Amplexu gravis es utque fies gravior?
Barba genis crescit roseis, cito labitur aetas.
Ergo age, vel fruere vel patiare frui,
Aut simul utrumque efficias. Mihi reddere vices
Ipse potes: habeo quid iuvet et sapiat.
15Ni mea me mater paribus +bube+ scimus +animus+
Fallat. Habes habeo, si dabis ipse dabo
Sed neque divitiis neque auro aut divite cultu
Me sperne, aut opibus vincimur usque tuis.
Solus ego, nullus sibi quae communia frater
20Vendicet; inscribo praedia, rura, domos.
Omnia quaeque damus; modo me, puer, unice serves,
Accipe: quam parvo munere dives eris!
Buzacharine, vides, morior misere: Georgi,
Sum tuus atque tuo dignus amore. Vale.
This text is part of:
Click on a word to bring up parses, dictionary entries, and frequency statistics
1 ad Georgium Buzacharinum
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.