Ubere me genuit Clarus mons patria campo
Partibus in Siculis; unda Morana fluit,
Quaque Lilibeus spectat Cartaginis horam,
Qua ferus Enchelidus mandat ab ore focos.
5Est Antonia parens, genitor fuit ipse Iohannes;
Dicor ego amborum gloria summa quidem.
Me tenuit Musis bino Bononia lustro,
Et nunc Romanus me quoque Paulus habet;
Roma, decus mundi, roseis ornata puellis,
10Me Siculum Thomam mittit abire minus.
Tres quondam socii Latia de gente venimus
Parisios, sacrum nobilitate sua.
Unus ego Italie remeavi solus ad orbem,
Ast alios carpsit casus iniquus eis:
15Hunc demersit aqua Rhodanus stagnante per agros,
Illum tecta Mephin clausit in antra pium.
This text is part of:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.