Tot mortes stragemque feram variosque labores
Mortifere pestis, populi morientis acervos
Inspicere et nitidam mundumque relinquere formam
Inque redire chaos, lachrimis mea lumina manant,
5Interius gravior mens deficit anxia: mestus,
Quid faciam ignoro, nisi promere voce dolorem,
Pieria, de morte tremens clamare coactus.
O misere sortis sumus, isto tempore vitam
Ducentes; tremuli, misero quid cernimus orbe
10Presenti, nisi morte viros heu sorte repenti
Sublatos oculis? Sexum mors vexat utrumque.
Notus et ignotus rapitur, iuvenisque senexque,
Pauperies et gaza tumens, cum principe servus
Morte cadunt subita. Nisi mors auditur ubique:
15Ltalicas grassatur atrox furibunda per urbes.
This text is part of:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.