1.
Si Canis hic Grandis ingentia facta peregitMarchia testis adest, quam sevo marte subegit:
Scaligeram qui laudem domum super astra tulisset,
Maiores in luce moras si parcha dedisset;
5Hunc Iuli geminata dies undena peremit,
Iam lapsis septem quater annis mille trecentis.
2.
Scaligera de gente fui, celebrique ferebarNomine Mastinus; claras dominabar in urbes.
Me dominum Verona suum, me Brixia vidit
Parmaque cum Luca cum Feltro Marchia tota.
5Iura dabam populis equo libramine nostris
Omnibus est Christi fidei sine macula cultor.
Occubui primo post annos mille trecentos
Ac decies quinque; lux ibat tercia Iulii.
3.
Hic cubo Rainaldus fueram qua parte favilla;Qua mens orta fuit patria requiescat in illa.
Gramaticam docui, genuit me Libera villa.
Promerui nomen, licet ortus stirpe pusilla.
4.
Iura monarchie, superos, Flegetonta lacusqueLustrando cecini, voluerunt fata quousque.
Sed quia pars cessit melioribus hospita castris
Auctoremque suum petiit felicior astris,
5Hic claudor Dantes propriis eiectus ab oris,
Quem genuit parvi Florentia mater amoris.
5.
Hic situs officiis celebrem se grandibus egit,Fasque, piumque sequens, Anthonius aequa peregit,
Scaligeris Consultor heris: virtute subegit
Fortunam, viresque animi ratione coegit.
5Grammata dilexit veterumque volumina legit.
Heu Laniace tibi quod mors caput impia fregit.