1.
Improbe dic serpens: summo deus unus olympo est:In terris unus numina Maurus habet.
Pax erit et bellum: cupiam quum regna tyrannus
Distrahe: prostrati surripe rem populi.
5Ira deum quae lenta uenit crudelius urget.
Tarda magis durum dat mora supplicium:
Ingenio non tu regnabas: sede sed alta
Sors mala: te posuit pelleret ut miserum.
Si sic quisque perit dux improbus: aurea sunt quae.
10Quilibet annosus uerba probabit auus.
Vt laudem uitae finis dat: noctis opacae
Felicem laudant tempora caeca diem.
2.
Quid spectas: Sythica ueniens otomanus ab arctoStrenuus aequoreas: ponte domabit aquas.
Currit: adest: placidis trebiae conterminus oris:
Dat tibi uictrici iam tua regna fuga:
5Frigescunt epulae procul est quum flamma culine
Punica: theutonicas non iuuat aura rates:
Parthenopes rex est fidus tibi: credo: sed arma
Non quatit: et pauper non bene sceptra tenet
Caesar agit celeres per deuia rura molossos:
10Quid facies: fugias: hoc tibi praesidium:
Sum captus dices: pudor est: non ita putaram
Dicere. qui regnum: martis et arma gerit.
3.
Aetas clara redit: tellus saturnia gaude.Laurea uictrici quae tibi serta dedit
Surgit et innumeris crescens noua Roma triumphis
Tam magni uires roboris accumulat.
5Quod iam: iam niuea te libertate fouebit
Reddet et ad uitae candida fata tuae.
Denique nam gladiis opus est mactare cruentis
Iustitiam reges qui male septra gerunt.
Vrbs regina maris Veneti sub foedere sancto
10Te reget: et nullis hostibus acta cadet:
Nam regni solio stabili sedet ille senatus
Vt pater est natis: qui pius est populis.
Suspectus nimis est rex solus: nanque tyrannus
Vt mens est hominum perfida: fit facile.
4.
Scis quia uix sumptis Marcus te depulit armisStrenuus et nulla gallus ab arce mora:
Qui regit imperium quoniam sine lege petulcos
Nec premit affectus quam cadit ante cadat:
5Non mediolani muros spectauerat hostis
Quod iam felici caeperat auspitio.
Quum magis altus eras solio fugiebas auito.
Pondera tecta graui non bene firma cadunt.
Castiges temet castiges dedecus aulae
10Rex premitur scaeuus morte: uel exilio.
Omnia qui pro se uult improbus: omnia perdit
Atque miser tandem nil nisi damna capit.
5.
Cote foco gladiis uerum cognoscitur aurumMiles atrox quum Mars ferrea tela quatit.
Nauta procellosus quum sibilat aequore uentus
Vir sapiens iusto tempore quum loquitur
5Qui Cato coniunctus gentis qui cautus Vlixes
Esse uidebaris Maure Duci Venetae
Ingenii uires posuisti corque beatus
Quum merito timidum te leo deseruit
Teque tuosque tegens alis: et numine Marcus
10Mater amans pullos incubat ut teneros
Argum reddebat: nunc quod tibi non fauet ille
Ingenio quantum: uiribus et ualeas
Ostendis fugiens uiso nec comminus hoste
Legitimum tempus res probat arma ducem
6.
Si fugeres ueluti Mithridates regna: potentisPost clades multas more uel Anibalis.
Quis ualet aduersus superos et spicula fati
Ferre manus? tecum uoce graui quererer
5Pompeius cecidit uictus: post multa triumphi
Munera fortunae sautius ense ferae.
Decessit brutus: qui libertatis amore
Intulit inuictum Caesaris arma caput.
Temptarunt saltem sumptis ii pellere telis
10Victores uicti sedibus imperii.
Tu non pugnasti: fugiens ut foemina: non sunt
Haec mala fortunae spicula. sed timor est.
7.
Argentum scenae praetoria sceptra senatusGemmae: aurum: mensae: signa: theatra: togae
Pons uallum turres sonipes tentoria miles
Carius et siquid maximus orbis habet.
5Imperio stabili non seruant regna nec urbes
Non peteret regni limina teutonici
Nam Maurus fugiens pharii uel rura canopi
Sed pia sed sancto foedere sancta fides
Quilibet hoc proprio scribat sub corde tyrannus
10Odit quem populus rex cadit et merito
8.
Cinge tuos lauro felix Otomane capillosBarbara sidonia corpora ueste tege.
Victor achemenias ueneti portabis ad urbes
Regis ab adriaco plurima rostra mari.
5Niteris auxilium saeuo dum ferre tyranno
Immerito: merito saeue tyranne cadis:
Nauibus ammissis magna est iactura: fugato
Quum perdes regnum milite: maior erit
Quod subito perdes: sors: fatum: iuppiter astra
10Ista notant: saeui Martis et auspicium:
Tempore quo cecidit lotouicus: terga dedisti:
Pulsus ab aequoreae turbine naumachiae
Praelia fraude mouent qui iuncti praelia perdunt:
Et iuncti iunctos perdere regna decet.
