1. Gallus ad librum
I: pete Cornelium: serves operamque, oleumque:Ad Moecenatem ius habet ille tuum.
Cornelio datur una fides: quis doctior illo?
Fiet Moecenas ut tibi Cornelius.
2. Gallus ad invidum
Laesus eris: nec me latet invide: si qua laborisCharta mei faciles sit subitura viros
Laesus eris, nostrum si forte, poeta, per aures
Ire tuas poterit nomen et unus honor.
5Sed quid ego hoc? aliqua si me ratione, meosque
Invide, Musa cupit sistere posse dies?
Sed quid ego hoc? genio dum prospicis ocia foelix:
Nocturnis ego sim sollicitatus aquis?
Sed quid ego hoc? Tu me lacera: Tu carpe Cachynno:
10Scribam ego quae laceres, sed placitura bonis.
3. Gallus ad librum
Si certum est tibi iam tui PoetaeLabores Liber aedere, hoc memento:
Bonorum hinc bona verba, et inde morsus
Et risus patieris invidorum.
5Sed tu cuique suas vices repone:
Bonis ob bona verba dic salutem
Et promitte iterum novum poema.
At risu tu age cum invidis vicissim.
Sed surges, puto, maior in cachynno.