This text is part of:
Click on a word to bring up parses, dictionary entries, and frequency statistics
[25]
nec mihi
illud dixeris: “Haec enim ipsa mihi sunt voluptati, et
erant illa Torquatis.”1 Numquam hoc ita defendit Epicurus neque Metrodorus2 aut quisquam eorum, qui aut
saperet aliquid aut ista3 didicisset. et quod quaeritur
saepe, cur tam multi sint Epicurei,4 sunt aliae quoque
causae, sed multitudinem haec maxime allicit, quod ita
putant dici ab illo, recta et honesta quae sint, ea facere
ipsa per se laetitiam, id est voluptatem. homines optimi non intellegunt totam rationem everti, si ita res se
habeat. nam si concederetur, etiamsi ad corpus nihil
referatur, ista sua sponte et per se esse iucunda, per
se esset et virtus et cognitio rerum, quod minime ille
vult, expetenda.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.