Click on a word to bring up parses, dictionary entries, and frequency statistics
[32]
sed redeo ad me. quartum ago annum et octogesimum: vellem equidem idem posse gloriari quod
Cyrus, sed tamen hoc queo dicere, non me quidem
eis esse viribus, quibus aut miles bello Punico aut
quaestor eodem bello aut consul in Hispania fuerim
aut quadriennio post, cum tribunus militaris depugnavi apud Thermopylas M'. Glabrione consule; sed
tamen, ut vos videtis, non plane me enervavit, non
afflixit senectus: non curia viris meas desiderat, non
rostra, non amici, non clientes, non hospites. nec
enim umquam sum assensus veteri illi laudatoque
proverbio, quod monet mature fieri senem, si diu
velis senex esse. ego vero me minus diu senem
esse mallem quam esse senem ante quam essem.
itaque nemo adhuc convenire me voluit cui fuerim
occupatus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.