Click on a word to bring up parses, dictionary entries, and frequency statistics
[85]
His mihi rebus, Scipio, id enim te cum Laelio
admirari solere dixisti, levis est senectus, nec solum
non molesta, sed etiam iucunda. quod si in hoc
erro, qui animos hominum immortalis esse credam,
libenter erro nec mihi hunc errorem, quo delector,
dum vivo, extorqueri volo; sin mortuus, ut quidam
minuti philosophi censent, nihil sentiam, non vereor
ne hunc errorem meum philosophi mortui irrideant.
quod si non sumus immortales futuri, tamen exstingui
homini suo tempore optabile est. nam habet natura,
ut aliarum omnium rerum, sic vivendi modum.
senectus autem aetatis est peractio tamquam fabulae,
[p. 98]
cuius defetigationem1 fugere debemus, praesertim
adiuncta satietate.
haec habui de senectute quae dicerem, ad quam
utinam veniatis, ut ea, quae ex me audistis, re
experti probare possitis!
1 defetigationem IRS, Reid; defectionem QE, Müller.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.