This text is part of:
Table of Contents:
Seneca Nouato, Senecae, Melae filiis salutem.
Diues tres filios abdicauit. petit a paupere unicum filium in adoptionem. pauper dare uult; nolentem ire abdicat.
Raptor nisi et suum et raptae patrem intra dies
XXX exorauerit, pereat. Raptor raptae
patrem exorauit, suum non exorat. accusat
dementiae.
Abdicauit quidam filium; abdicatus se contulit ad
meretricem; ex illa sustulit filium. aeger ad
patrem misit: cum uenisset, commendauit ei filium
suum et decessit;
pater
adoptauit puerum. ab
altero
pater
filio accusatur dementiae.
Quidam cum haberet formosam uxorem, peregre
profectus est. in uiciniam mulieris peregrinus
mercator commigrauit;
ter
illam appellauit
de stupro adiectis pretiis; negauit illa. decessit
mercator, testamento heredem omnibus bonis
reliquit formosam et adiecit elogium:
pudicam
repperi.
adiit hereditatem. redit maritus,
accusat adulteri ex suspicione.
Click on a word to bring up parses, dictionary entries, and frequency statistics
[11] LATRO sic diuisit: an intra tricesimum diem raptor cum alio agere possit;, sicut non potest qui [p. 187] in custodia est, qui in carcere est. etiamsi cum alio potest, an cum patre possit, quoi uitae mortisue arbitrium datum est: ‘an illi accusare eum liberum est, quem mortiferum est non exorasse?’ etiamsi cum patre potest agere, an ob id possit cuius faciendi potestatem lex patri dedit: ‘ista enim ratione nihil licet, si aut exorari aut accusari ei necesse est.’ deinde si potest agere, an debeat. Irascendi causas tractauit, quod rapuit, quod alium prius rogauit, quod me non rogauit, quod etiam accusat. Si non exorari a filio dementia est, an tamen damnari dementiae non possit, cum adhuc an exoretur incertum sit. hic paternos adfectus tractauit spem facientis. non probabat Fuscum, qui paulo apertius agebat: est contra controuersiam promittere. potest nihilominus et bonus agi pater et non exoratus.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.