1. argumentum primi libri
Victor ab Aurora remeans Pipinius herosSathanis invidia Aegeis vexatus in undis
Appulit Epyrum. Iustini regis in aulam
Ampla et regifico fiunt convivia luxu.
5Naturae secreta canit Milesius Amon.
2. argumentum secundi libri
A Rhodani solvens ter centum littore puppesMagnanimus Carlus Syrios Arabasque subegit
Non procul a Synna pulso trans Battra Tibaldo.
Capta Palestini est princeps Hierosolima regni;
5Combustaeque luit patriae gens perfida penas.
3. argumentum tertii libri
Ut recidiva sacrae posuerunt moenia Sion,Francorum proceres mollem petiere Canopum.
Devicta Aegypto Carlus Babylona superbum
Nvasit. Cohiere Asiae Libyesque phalanges.
5Persarum rex solus init clam foedera Cyrrhus.
4. argumentum quarti libri
Ingenti reges pugna superavit EoosCarlus et edomita victor Babylone recessit.
Serpente occiso per lustra horrenda ferarum
Incolumis pontum intravit. Pelagoque remenso
5Ac victa Creta siluit Mavortius heros.
5. argumentum quinti libri
Gallorum proceres, dum saevit bruma procellis,Quassatam reparant classem, saltusque Pelasgum
Venatu inquirunt. Ludi celebrantur in urbe
Butroti. Carlumque monet Pipinus, ut ante
5Discessum subeat manes Stygiamque paludem.
6. argumentum sexti libri, Infernus
Astrea manes Carlus duce tendit ad imos.Aspicit Eumenidas diras animasque nocentes
Torqueri aeternis (visu miserabile!) paenis.
Faeda loci est speties et mors sine morte perennis.
5Plectitur extremo scelerata superbia centro.
7. argumentum septimi libri, Purgatorium
Debita dimissae Carlus purgamina culpaeSpeque animas medio laetas aspexit in igne.
Lnque sinu vatis recubans oracula divum
Vidit et Elysios campos clarosque poetas
5Insignesque viros doctrina, moribus, armis.
8. argumentum octavi libri, Paradisus
Astriferum Carlus Seraphi duce calcat Holympum.Sydera fixa polo, quae sint errantia, noscit.
Cernit et empyreas sedes, ubi regia Christi est,
Angelicasque videt miro fulgore cohortes
5Divinaeque urbis cives sine fine beatos.
9. argumentum noni libri
Deserit Epyrum Carlus victrice carina.Evitat Calabrum portus urbesque superni
Aequoris. Exponit Pisano in littore turmas.
Coniurat Latium Lombardam perdere gentem,
5Francorum regem iuvat auxiliaribus armis.
10. argumentum decimi libri
Gallorum adventu trepidat Lombarda iuventus,Scandavius princeps neglecto foedere Carli
Arma rapit. Pariter coniurat Hiberia. Classem
Instruit innumeram. Mutinae prope moenia victor
5Irruit ut torrens per castra inimica Rinaldus.
11. argumentum undecimi libri
Devolat ad Calabros turma comitatus equestriOrlandus. Mutinae summis certatur utrinque
Viribus. Applausit sero victoria Francis.
Occiso Theia fugit Lombarda caterva.
5Dona suis tribuit Carlus sepelitque iacentes.
12. argumentum duodecimi libri
Extorquet Francus Calabrum multa oppida Mauris.Almonem interimit regem Milonius Hector.
Pugna ingens oritur. Despumant sanguine Cannae;
Aufidus exundans Saracenas obluit alas.
5Fit clades Arabum ceso numerosa Tibaldo.
13. argumentum tresdecimi libri
Pisano Euphranor superavit in aequore classemMaurorum ingentem captis mersisque carinis
Asdrubalis. Rursus Ticini ad fluminis undam
Lombardae fusae verterunt terga phalanges.
5At Serpentinum confodit Celticus Aiax.
14. argumentum quattuordecimi libri
Restaurat pugnam princeps Lombardus. HetruscumFrancorumque agmen paulum tardavit equestre.
Filius Amonis fortem prostravit Alachim.
Orlandi dextra Alceus cognomine Ferrus
5Occubuit. Ducibus sunt castra incensa peremptis.
15. argumentum quindecimi libri
Servatur capta Desiderius urbe triumphoFrancorum. Sociis laetus dat munera Carlus.
Caesareos Romae fasces plaudente senatu
Suscipit. Hetruscis reficit nova moenia. Victor
5Intrat Aquisgranum curru sublimis eburno.