1.
Quod tantum mireris opus, spectator, in astra,Non est si regem noveris ante meum
2.
Quod me miretur nigris spectator ab Indis,Praeferar et domibus, inclita Roma, tuis,
Me miretur Arabs, cantet mea nomina Memphis
Quicumque et magno cingitur Oceano,
5Est magnum hoc nobis, invicte Federice, maius,
Est ego quod dicar tempus in omne tua.
3.
Claudere nos muris, invicte Federice, frustraNiteris: imperium sponte tuum gerimus.
Nec mirum populi tibi non parcere recusant:
Sic tua non timeant iussa subire ferae.
4.
Iam tibi mortales superique, Federice, debentPraemia si meritis sint repetenda tuis:
Hi, duce te, placida securi pace fruuntur,
Praelia nulla viris, nulla timenda feris,
5Templa Iovi ponis lucos aprosque Dianae,
Aerias arces docta Minerva capit.
5.
Claustra feras lucos tantum, spectator, et undasMiraris, domini quid monimenta mei?
Disce prius saevo quos egit Marte triumphos,
Vexillum quotiens victor ab hoste tulit:
5Dat tibi quae possis melius Montefeltrius heros
Mirari, nulla corruitura die.