Nostra priapie placuisti musa ioanni
Nota canam cunni cuius amore tui.
Nec pudibunde mei transibis carminis expers,
Sis licet umbrosis cunne reposte locis.
5Lucis ab aspectu latitas invise diei,
Competit officiis nox magis apta tuis.
Non equidem visu tua vis cognoscitur. Immo
Mira super visum dos tua pandit opus.
Ad te plura trahis, quamquam mirabile dictu
10Pondera tu solus, quam iuga mille bovum.
Magnetem tua vis ferrum virtute trahentem
Vincit onus maius nubiliusque trahis.
Mille trahens naves indis mercator ab oris
Equora traiciens ad tua iussa venit.
15Sit praesul sit rex, orans tua lumina quivis
Ad tua subiuncto procidit ora genu.
Ante fores semper deponitur infula, nudum
Intrat et incedit per tua tecta caput.
Valva vocaberis, fueras quae ianua multis,
20Quodque parum distat, te modo vulva vocant.
Causa duplex cur tu dicari binominis haec est:
Quod facis officium perfule saepe duplex.
Ausus es interdum partes captare supernas,
Cumque pati debes cunne virilis agis.
25Cum loca summa tenes equidem tu cunnus haberis,
Subdite cum pateris vulva vocata iaces.
Denique sit quod vis, cunnus seu vulva voceris
Tu quoque naturam parce furentis habes.
Coniuge cum rubro peragis seva bella priapo,
30Vir vis esse viri, vult tamen illa vires.
Coniugii lectus non quod vaccat ille quietus,
Destituunt nudos tegmina lassa duos,
Ut vestrum effusum dispargitur undique Virus,
At tu plus aequo cunne replete luis.
35Teque iuvat bello stolidum vicisse priapum,
Expectare tuas dum nequit ille moras,
Dum nimis ipse tuas certus est extinguere flammas,
Ille velut forti stratus ab hoste iacet.
Te quoque abesse velet quem conabatur adesse,
40Iam iam cumque aderis post et abesse volet.
Demum fesse diu, sed non satiate quiescis,
Quique tuus cessit non tamen ardor abit.
Talibus interdum subit indignatio bellis
Mutua per plures continuata dies.
45Crescit et immensam tanta est iniuria pacem,
Aut aliquas pacis non habitura vias,
Non nisi per bellum, cui belli causa fuisset,
Morte cadit tandem victus uterque pari.
This text is part of:
Click on a word to bring up parses, dictionary entries, and frequency statistics
Cunneia (V. Crescini, 1884).
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.