1
Laetor io Tyrrhena tibi Florentia laetor
Clamet io Pean quisquis amicus adest.
Quale decus, quae fama tibi, quae gloria surgit
Tolle caput, libycas tolle superba iubas.
5Ille tuos agros intra et tua moenia natus,
Atque arvi liquidas inter adultus aquas.
Cui cum divinum sit sacro nomine nomen habet.
Ille inquam plausu iam coepit ubique frequenti
Iam coepit multo non sine honore legi.
10Sicelis ausonias illius musa per urbes
Fert celebrem magna candida laude pedem.
Autorem patriae quisquis legit invidet illi
Atque optat patriae nomina tanta suae.
Gaude gaude iterum tanto insignita decore,
15Et vati applaudas terra beata tuo.
Cinge coronatos vernanti flore capillos
Conveniunt titulo Florida serta tuo.
Undique achemenio spargantur compita costo.
Et per odoratas lilia multa vias.
20En stirps in nostras Benivennia protulit auras
Hetruscum docto qui gerat ora senem.
Ponite avernales iam gens hetrusca cupressus
Quos rapta immiti funere Laura revixit,
Spirat et argutum novit ut ante loqui.
25Quin solito nitet illa magis maiorque priori
Nescio quae culto gratia ab ore venit.
Reddidit hanc nobis laus vestrae Hieronymus urbis
Et dedit infernos posse iterare lacus.
At certe (procul hinc livor inique facessas)
30Nunc graviore sonat grandius illa Chely.
Dii superi, sublime adeo modulatur ut aequa
Sit iam Romano thusca loquela sono.
Nec tamen ille Euros frondosus iactat inanes,
Plusquam promittit fronte recessus habet.
35Quid referam quam lenis eat, quam carmina plano
In numeros currant ordine iuncta suos.
Sic memini me saepe sacros vidisse liquores
Profluere imbriferi vis ubi nulla nothi.
Sed quis miretur meditata, in carmine tantum
40Cultus, cum pariter non meditata canat?
Quis non hunc iuret Phoebum modo pendeat arcus,
Cornua sinit Bromium quis neget esse deum?
Audivi hunc quoties cithara cantare recurva
Abduxit sensus protinus ille meos.
45Et quid non possent digiti mulcere loquentes?
Sisteret his rapidi flumina magna padi.
Phoebeos medio firmaret in aethere currus,
Lunares pictos sisteret axe boves.
Terribilem saevis Martem revocaret ab armis,
50Leniret ditem falciferumque senem.
Et quas non potuit quondam rhodepius Orpheus
Flectere strymonidas flecteret ipse murus.
This text is part of:
Click on a word to bring up parses, dictionary entries, and frequency statistics
1 in laudem Hieronymi Benivenii
elegia ad Florentiam, in laudem Hieronymi Benivenii (Gian Francesco Pico, 1557-1573).
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.