This text is part of:
Search the Perseus Catalog for:
Click on a word to bring up parses, dictionary entries, and frequency statistics
[6]
Aiebat itaque apud
Alexandrum esse dicendam sententiam ut multa
adulatione animus eius permulceretur, seruandum tamen
aliquem modum, ne conrueret ratio et accideret
tale aliquid quale accidit Atheniensibus, cum
publicae eorum blanditiae non tantum deprehensae set
castigatae sunt. Nam cum Antonius uellet se
Liberum patrem dici et hoc nomen statuis subscribi
iuberet, habitu quoque et comitatu Liberum
imitaretur, occurrerunt uenienti ei Athenienses cum
coniugibus et liberis et Διόνυσον salutauerunt. Belle
illis cesserat, si nasus Atticus ibi substitisset; set
dixerunt despondere ipsos in matrimonium illi Mineruam
suam et rogauerunt ut duceret. Antonius
[p. 6]
ait ducturum, sed dotis nomine imperare se illis
mille talenta. Tum ex Graeculis quidam ait: κύριε
ὁ Ζεὺς τὴν μητέρα σου Σεμέλην ἄπροικον εἶχεν
Huic quidem inpune fuit, sed Atheniensium
sponsalia mille talentis aestimata sunt. quae cum
exigerentur conplures contumeliosi libelli
proponebantur, quidam etiam ipsi Antonio tradebantur: sicut
ille qui subscriptus statuae eius fuit, cum eodem
tempore et Octauiam uxorem haberet et Cleopatram:
Ὀκταουία καὶ Ἀθηνᾶ Ἀντωνίῳ:
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.