De Vita Hadriani
David Magie, Ainsworth O'Brien-Moore, Susan Helen Ballou, Ed.

---

In conloquiis etiam humillimorum civilissimus fuit, detestans eos qui sibi hanc voluptatem humanitatis quasi servantes ¹ fastigium principis inviderent. [2] apud Alexandriam in Museo multas quaestiones professoribus proposuit et propositas ipse dissolvit. [3] Marius Maximus dicit eum natura crudelem fuisse ^{2 3} et idcirco multa pie fecisse quod timeret, ne sibi idem quod Domitiano accidit eveniret. [4] Et eum titulos in operibus non amaret, multas civitates Hadrianopolis appellavit, ut ipsam Carthaginem [5] et Athenarum partem, aquarum ductus etiam [6] infinitos hoc nomine nuncupavit. fisci advocatum primus instituit. [7] Fuit memoriae ingentis, facultatis immensae; nam ipse et orationes dictavit et ad omnia respondit. [8] ioca eius plurima exstant; nam fuit etiam dicaculus. unde illud quoque innotuit quod, cum cuidam canescenti quiddam negasset, eidem iterum petenti sed infecto capite respondit: ‘Iam hoc patri tuo negavi.’ [9] nomina plurimis sine nomenclatore reddidit, quae semel et congesta simul audiverat, ut nomenclatores [10] saepius errantes emendarit. dixit et veteranorum nomina, quos aliquando dimiserat, libros statim ⁴ lectos et ignotos quidem plurimis memoriter reddidit. [11] uno tempore scripsit dictavit audivit et cum amicis fabulatus est, si potest credi. ⁵ omnes publicas rationes ita complexus est ut domum privatam quivis [12] paterfamilias diligens non satis novit. ⁶ equos et canes ^{7 8 9} [13] sic amavit ut iis sepulchra constitueret, oppidum Hadrianotheras in quodam loco, quod illic et feliciter esset venatus et ursam occidisset aliquando, constituit.