[27]
sed quoniam earum rerum quas
ego gessi non eadem est fortuna atque condicio quae
illorum qui externa bella gesserunt, quod mihi cum eis1
vivendum est quos vici ac subegi, illi hostis aut interfectos
aut oppressos reliquerunt, vestrum est, Quirites, si ceteris
facta sua recte prosunt, mihi mea ne quando obsint providere.
mentes enim hominum audacissimorum sceleratae
ac nefariae ne vobis nocere possent ego providi, ne mihi
noceant vestrum est providere. quamquam, Quirites, mihi
quidem ipsi nihil ab istis iam noceri potest. Magnum enim
est in bonis2 praesidium quod mihi in perpetuum comparatum
est, magna in re publica dignitas quae me semper
tacita defendet, magna vis conscientiae quam qui neglegunt,
cum me violare volent, se3 indicabunt.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.