9.
hic quis1 potest esse2 tam aversus a vero,
[21]
tam praeceps, tam
mente captus qui neget haec omnia quae videmus praecipueque
hanc urbem deorum immortalium nutu ac potestate
administrari? etenim cum esset ita responsum, caedis,
incendia, interitum rei publicae comparari, et ea per civis3,
quae tum propter magnitudinem scelerum non nullis incredibilia
videbantur, ea non modo cogitata a nefariis civibus
verum etiam suscepta esse sensistis. illud vero nonne
ita praesens est ut nutu Iovis optimi maximi factum esse
videatur, ut, cum hodierno die mane per forum meo iussu
et coniurati et eorum indices in aedem Concordiae ducerentur,
eo ipso tempore signum statueretur? quo conlocato
atque ad vos senatumque converso omnia et senatus et vos4
quae erant contra salutem5 omnium cogitata6 inlustrata et
patefacta vidistis.
[22]
quo etiam maiore sunt isti odio supplicioque
digni qui non solum vestris domiciliis atque
tectis sed etiam deorum templis atque delubris sunt funestos
ac nefarios ignis inferre conati. quibus ego si me restitisse
dicam, nimium mihi sumam et non sim ferendus: ille, ille
Iuppiter restitit; ille Capitolium, ille haec templa, ille
cunctam urbem, ille vos omnis salvos esse voluit. dis
ego immortalibus ducibus7 hanc mentem voluntatemque
suscepi atque ad haec tanta indicia perveni. iam vero illa
Allobrogum sollicitatio, iam ab Lentulo ceterisque domesticis
hostibus tam dementer tantae res creditae et ignotis
et barbaris commissaeque litterae numquam essent profecto,
nisi ab dis immortalibus huic tantae audaciae consilium
esset ereptum. quid vero? ut homines Galli ex civitate
male pacata, quae gens una restat quae bellum populo
Romano facere posse et8 non nolle videatur, spem imperi ac
rerum maximarum9 ultro sibi a patriciis hominibus oblatam
neglegerent10 vestramque salutem suis opibus anteponerent11,
id non divinitus esse factum putatis, praesertim qui nos non
pugnando sed tacendo superare potuerunt12?
This text is part of:
Search the Perseus Catalog for:
Click on a word to bring up parses, dictionary entries, and frequency statistics
2 esse αh, Priscian. K. iii. 277: esse, Quirites βγ
3 per civis a perditis civibus γ 29 eo bsγ: et αho: et eo l
4 et senatus et vos om. duo dett.
5 salutem senatum salutemque (et salutem h) hβ
6 cogitata post erant hab. bs
7 ducibus om. αh mentem, Quirites a
9 maximarum αho: amplissimarum βtux
10 neglegere Aa: neglegeret V
11 anteponere Aa: anteponeret V
12 potuerint Madvig (sed cf. Zielinski p. 202)
M. Tullius Cicero. M. Tulli Ciceronis Orationes: Recognovit brevique adnotatione critica instruxit Albertus Curtis Clark Collegii Reginae Socius. Albert Curtis Clark. Oxonii. e Typographeo Clarendoniano. 1908. Scriptorum Classicorum Bibliotheca Oxoniensis.
The National Endowment for the Humanities provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.