[20]
nunc ante quam ad sententiam redeo, de me pauca
dicam. ego, quanta manus est coniuratorum, quam videtis
esse permagnam, tantam me inimicorum multitudinem
suscepisse video; sed eam turpem iudico1 et infirmam2 et
abiectam. quod si aliquando alicuius furore et scelere
concitata manus ista plus valuerit quam vestra ac rei publicae
dignitas, me tamen meorum factorum atque consiliorum
numquam, patres conscripti, paenitebit. etenim mors,
quam illi3 fortasse minitantur, omnibus est parata: vitae
tantam laudem quanta vos me vestris decretis honestastis
nemo est adsecutus; ceteris enim semper bene gesta4, mihi
uni conservata re publica5 gratulationem decrevistis.
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.