XXV
'Quadringenta tibi non sunt, Chaerestrate: surge,
Lei+tus ecce venit: sta, fuge, curre, late.'
Ecquis, io, revocat discedentemque reducit?
Ecquis, io, largas pandit amicus opes?
5Quem chartis famaeque damus populisque loquendum?
Quis Stygios non volt totus adire lacus?
Hoc, rogo, non melius, quam rubro pulpita nimbo
Spargere et effuso permaduisse croco?
Quam non sensuro dare quadringenta caballo,
10Aureus ut Scorpi nasus ubique micet?
O frustra locuples, o dissimulator amici,
Haec legis et laudas? Quae tibi fama perit!