23.
qua re, etiam si quem
habetis qui conlatis signis exercitus regios superare posse
videatur, tamen, nisi erit idem qui a1 pecuniis sociorum, qui
ab eorum coniugibus ac liberis, qui ab ornamentis fanorum
atque oppidorum2, qui ab auro gazaque regia manus, oculos,
animum cohibere possit, non erit idoneus qui ad bellum
Asiaticum regiumque mittatur.
[67]
ecquam3 putatis civitatem
pacatam fuisse quae locuples sit, ecquam esse locupletem
quae istis pacata esse videatur? Ora maritima, Quirites4,
Cn. Pompeium non solum5 propter rei militaris gloriam sed
etiam propter animi continentiam requisivit. videbat enim
praetores6 locupletari quotannis pecunia publica praeter
paucos, neque nos7 quicquam aliud adsequi8 classium nomine
nisi ut detrimentis accipiendis maiore adfici turpitudine
videremur. nunc9 qua cupiditate homines in provincias,
quibus10 iacturis11 quibusque12 condicionibus proficiscantur
ignorant videlicet isti qui ad unum deferenda omnia esse
non arbitrantur. quasi vero Cn. Pompeium non cum suis
virtutibus tum etiam alienis vitiis magnum esse videamus.
[68]
qua re nolite dubitare quin13 huic uni credatis omnia qui inter14
tot annos15 unus inventus est quem socii in urbis suas cum
exercitu venisse gauderent16.
quod si auctoritatibus hanc causam, Quirites, confirmandam
putatis, est vobis auctor vir bellorum omnium
maximarumque rerum peritissimus, P. Servilius, cuius tantae
res gestae terra marique exstiterunt ut, cum de bello
deliberetis, auctor vobis gravior esse nemo17 debeat; est C.
Curio, summis vestris beneficiis18 maximisque rebus gestis,
summo ingenio et prudentia praeditus, est Cn. Lentulus in
quo omnes pro amplissimis vestris honoribus summum
consilium, summam gravitatem esse cognostis19, est C. Cassius,
integritate, veritate20, constantia singulari. qua re videte ut
horum21 auctoritatibus illorum22 orationi qui dissentiunt respondere
posse videamur.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 qui a H, Heumann: qui se a cett.
2 qui ab... oppidorum H: om. cett.
3 ecquam (hec-) H: et quam cett.
4 Quirites om. Hb1
5 non solum Cn. Pompeium H
6 praetores po. Ro. δ: imperatores Gertz
7 nos HW, Lambinus: eos cett.
8 consequi H
9 nunc om. H
11 iacturis iniuriis H: fort. versuris
12 quibusque H: quibus cett.
13 Quirites, quin Lambinus
14 inter intra b2
15 tot annos HE: annos tot Tδ est H: sit cett.
16 gauderent (-et) H: gaudeant cett.
17 esse nemo Tδ: nemo esse HE (cf. Zielinski p. 199)
18 beneficiis usus add. Lambinus (malim adfectus, cf. §§51, 71)
19 cognostis HT: cognovistis E: cognoscitis δ
20 veritate H: virtute cett. (cf. Verr. i. 4)
21 ut horum num horum b2ψ, ed. R: unde horum ς mg.: horumne Madvig: fort. utrum horum
22 illorum eorum H
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.