7.
[17]
ac ne illud quidem vobis neglegendum est quod mihi
ego extremum proposueram, cum essem de belli genere1
dicturus, quod ad multorum bona civium Romanorum
pertinet; quorum vobis pro vestra sapientia, Quirites, habenda
est ratio diligenter. nam et publicani, homines
honestissimi atque2 ornatissimi, suas rationes et copias in
illam provinciam contulerunt, quorum ipsorum per se res
et fortunae vobis curae esse debent. etenim, si vectigalia
nervos esse rei publicae semper duximus, eum certe ordinem
qui exercet illa firmamentum ceterorum ordinum recte esse3
dicemus.
[18]
deinde ex ceteris4 ordinibus homines gnavi5 atque
industrii partim ipsi in Asia negotiantur, quibus vos absentibus
consulere debetis, partim eorum6 in ea provincia pecunias
magnas conlocatas habent. est igitur humanitatis
vestrae magnum numerum civium7 calamitate prohibere,
sapientiae videre multorum civium calamitatem a re publica8
seiunctam esse non posse. etenim illud primum9 parvi10
refert, vos11 publicanis amissa12 vectigalia postea victoria reciperare;
neque enim isdem redimendi facultas erit propter
calamitatem neque aliis voluntas propter timorem.
[19]
deinde
quod nos13 eadem Asia atque idem iste Mithridates initio
belli Asiatici docuit, id quidem14 certe calamitate docti memoria
retinere debemus. nam tum, cum15 in Asia magnas
permulti res amiserunt16, scimus Romae solutione impedita
fidem concidisse. non enim possunt una in civitate multi
rem ac fortunas amittere ut non pluris secum in eandem
trahant calamitatem: a quo periculo prohibete rem publicam.
etenim — mihi17 credite id quod ipsi videtis — haec fides
atque haec ratio pecuniarum quae Romae, quae in foro
versatur, implicata18 est cum illis pecuniis Asiaticis et cohaeret;
ruere illa non possunt ut haec non eodem labefacta
motu concidant. qua re videte num19 dubitandum vobis sit
omni studio ad id bellum incumbere in quo gloria nominis
vestri, salus sociorum, vectigalia maxima, fortunae plurimorum
civium coniunctae20 cum re publica defendantur.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 genere belli H
2 atque HE: et cett.
3 recte esse necesse H
4 ex ceteris HE: ceteris ex cett.
5 navi Ht
6 partim eorum qui H: fort. Quirites, partim eorum
7 civium H, A. Eberhard: eorum civium cett.
8 ab re p. H
9 primum illud E
10 non parvi H
12 amissa ed. Hervag.: amissis codd.: omissis Müller postea] parta b2ψ2
14 id quidem (quod bψ) certe Wδ: certe id quidem cett.
15 cum qua H
16 magnas permulti res amiserunt H: res magnas permulti amiserant (-unt π) cett.
17 etenim scripsi: et codd.
18 implicata HEt: implicita cett.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.