[3]
Placeat carmen necne: tu propera civitatemque festinus invise; debes enim consolationis officium duorum civium domibus adflictis, quod ita solvas deum quaeso, ne umquam tibi redhibeatur. vale. [p. 450]
Occasu celeri feroque raptam
gnaris quinque patrique coniugique
hoc flentis patriae manus locarunt
matronam Philomathiam sepulchro.
5o splendor generis, decus mariti,
prudens casta decens severa dulcis
atque ipsis senioribus sequenda,
discordantia quae solent putari
morum commoditate copulasti:
10nam vitae comites bonae fuerunt
libertas gravis et pudor facetus.
hinc est quod decimam tuae saluti
vix actam trieteridem dolemus
atque in temporibus vigentis aevi
15iniuste tibi iusta persoluta.