Click on a word to bring up parses, dictionary entries, and frequency statistics
[8] hic ego quid sibi haec vellet in illis superbiae nimiae, nimiae in istis humilitatis forma mirari, nec ultro tamen causas interrogare, cum subornatus unus e turba factiosorum dat sese mihi consalutandum. tum procedente sermone: ‘cernis hos?’ inquit, et ego: ‘video,’ inquam, ‘ gestusque eorum miror equidem nec admiror.’ ad haec noster interpres: ‘ut satirographum te,’ inquit, ‘ aut exsecrantur aut reformidant.’ ‘ unde? cur? quando?’ respondi; ‘quis crimen agnovit? quis detulit? quis probavit? ’ moxque subridens: ‘ perge,’ inquam, ‘ amice, nisi molestum est, et tumescentes nomine meo consulere dignare, utrumnam ille delator aut index, qui satiram me scripsisse confinxit, et perscripsisse confinxerit; unde forte sit tutius, si retractabunt, ut superbire desistant.’
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.