Click on a word to bring up parses, dictionary entries, and frequency statistics
[17]
Διπλασιάσαι δὲ λέγεται διχῶς: ἢ γὰρ τόπον,
ἐν ᾧ ἡ φάλαγξ, μένοντος τοῦ πλήθους τῶν ἀνδρῶν,
ἢ τὸν ἀριθμὸν αὐτῶν: γίνεται δὲ ἑκάτερον διχῶς
κατὰ λόχον ἢ κατὰ ζυγόν, ταὐτὸν δὲ εἰπεῖν κατὰ
βάθος ἢ κατὰ μῆκος. κατὰ μῆκος μὲν οὖν
γίνεται διπλασιασμὸς ἀνδρῶν, ὅτ̓ ἂν μεταξὺ
τῶν προϋπαρχόντων λόχων παρεμβάλωμεν ἢ παρεμπλέκωμεν
ἄλλους αὐτοῖς ἰσαρίθμους τὸ μῆκος
τῆς φάλαγγος φυλάττοντες, ὥστε πύκνωσιν γενέσθαι
μόνην ἐκ τῆς τῶν ἀνδρῶν διπλασιάσεως:
κατὰ βάθος δέ, ὅτ̓ ἂν μεταξὺ τῶν προϋπαρχόντων
ζυγῶν ἄλλα αὐτοῖς ἰσάριθμα παρεμβάλωμεν ὥστε
κατὰ βάθος εἶναι πύκνωσιν μόνην: τί δὲ διενήνοχε
παρεμβολὴ παρεμπλοκῆς, εἴρηται πρότερον.