This text is part of:
Search the Perseus Catalog for:
Click on a word to bring up parses, dictionary entries, and frequency statistics
[9]
Τοὺς δὲ ἐκτάκτους τὸ μὲν παλαιὸν ἡ τάξις
εἶχεν, ὡς καὶ τοὔνομα σημαίνει, δἰ ὅτι τῆς τάξεως
ἐξάριθμοι ὑπῆρχον, στρατοκήρυκα, σημειοφόρον,
σαλπιγκτήν, ὑπηρέτην, οὐραγόν: τὸν μέν, ὅπως
τῇ φωνῇ σημαίνοι τὸ προσταττόμενον, τὸν δὲ
σημείῳ, εἰ μὴ φωνῆς κατακούειν ἐνδέχοιτο διὰ
θόρυβον, τὸν δὲ τῇ σάλπιγγι, ὁπότε μηδὲ σημεῖον
βλέποιεν διὰ κονιορτόν, καὶ τὸν ὑπηρέτην, ὥστε
τι παρακομίσαι τῶν εἰς τὴν χρείαν, τόν γε μὴν
ἔκτακτον οὐραγὸν πρὸς τὸ ἐπανάγειν τὸν ἀπολειπόμενον
ἐν τῇ τάξει. ὀκτὼ γὰρ ἀνδρῶν ὄντος
τοῦ λόχου ὀκταλοχία τὸ τετράγωνον ἐποίει σχῆμα,
ὅπερ διὰ τὴν πανταχόθεν ἰσότητα μόνον τῶν
μερῶν τῆς φάλαγγος ὁμοίως κατακούειν τῶν
προσταττομένων δυνάμενον εὐλόγως τάξις ἐπωνόμαστο:
[p. 260]
διπλασιασθέντος δ̓ ὕστερον τοῦ λόχου ἡ
συνταξιαρχία τὸ τετράγωνον ἀπετέλεσεν, δἰ ἃ
εἰς ταύτην μετῆλθον οἱ ἔκτακτοι.
Aeneas Tacticus, Asclepiodotus, Onasander. Asclepidotous. William Abbott Oldfather. William Heinemann; G. P. Putnam's Sons. London; New York. 1923. Keyboarding.
Google Digital Humanities Awards Program provided support for entering this text.
