Click on a word to bring up parses, dictionary entries, and frequency statistics
‘
[103]
reum apud te facere institui?’ quin igitur addis; ‘reum
magistrum, reum uitricum, reum deprecatorem?’ sed quid
deinde? ‘plurimorum maleficiorum et manifestissimorum.’ [p. 113]
cedo unum de plurimis, cedo dubium uel saltem obscurum
de manifestissimis. ceterum ad haec, quae obiecistis, numera
an binis uerbis respondeam. ‘dentes splendidas:’ ignosce
munditiis. ‘specula inspicis:’ debet philosophus. ‘uersus
facis:’ licet fieri. ‘pisces exploras:’ Aristoteles docet.
‘lignum consecras:’ Plato suadet. ‘uxorem ducis:’ leges
iubent. ‘prior natu ista est:’ solet fieri. ‘lucrum sectatus es:’ dotalis accipe, donationem recordare, testamentum
lege. quae si omnia affatim retudi, si calumnias omnes
refutaui, si me in omnibus non modo criminibus, uerum
etiam maledictis procul a culpa philosophiae tutus sum,
si philosophiae honorem, qui mihi salute mea antiquior
est, nusquam minui, immo contra ubique si cum septem
pennis eum tenui: si haec, ut dico, ita sunt, possum
securus existimationem tuam reuereri quam potestatem
uereri, quod minus graue et uerendum mihi arbitror ac
procons(ule) damnari quam si a tam bono tamque emendato uiro improber.
Dixi. [p. 114]
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.