Click on a word to bring up parses, dictionary entries, and frequency statistics
[14]
Deinde coniecturalis causa non potest simul ex
eadem parte eodem in genere et coniecturalis esse
et definitiva. nec definitiva causa potest simul ex
eadem parte eodem in genere et definitiva esse et
translativa. et omnino nulla constitutio nec pars con-
stitutionis potest simul et suam habere et alterius in
se vim continere, ideo quod una quaeque ex se et ex
sua natura simpliciter consideratur, altera assumpta
numerus constitutionum duplicatur, non vis constitu-
tionis augetur. at deliberativa causa simul ex eadem
parte eodem in genere et coniecturalem et generalem
et definitivam et translativam solet habere constitu-
tionem et unam aliquam et plures nonnumquam. ergo
ipsa neque constitutio est nec pars constitutionis. idem
in demonstratione solet usu venire. genera igitur, ut
ante diximus, haec causarum putanda sunt, non partes
alicuius constitutionis.
Haec ergo constitutio, quam generalem nominamus,
partes videtur nobis duas habere, iuridicialem et neg-
otialem. iuridicialis est, in qua aequi et recti natura
aut praemii aut poenae ratio quaeritur; negotialis, in
qua, quid iuris ex civili more et aequitate sit, conside-
ratur;
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.