Click on a word to bring up parses, dictionary entries, and frequency statistics
[134]
eam re ipsa et iudicio maximo
commutare; deinde indignum esse de lege aliquid
derogari aut legem abrogari aut aliqua ex parte com-
mutari, cum populo cognoscendi et probandi aut in-
probandi potestas nulla fiat; hoc ipsis iudicibus in-
vidiosissimum futurum; non hunc locum esse neque
hoc tempus legum corrigendarum; apud populum
haec et per populum agi convenire; quodsi nunc id
agant, velle se scire, qui lator sit, qui sint accepturi;
se factiones videre et dissuadere velle; quodsi haec
cum summe inutilia tum multo turpissima sint, legem,
cuicuimodi sit, in praesentia conservari ab iudicibus,
post, si displiceat, a populo corrigi convenire; deinde,
si scriptum non exstaret, magnopere quaereremus ne-
que isti, ne si extra periculum quidem esset, credere-
mus; nunc cum scriptum sit, amentiam esse eius rei,
qui peccarit, potius quam legis ipsius verba cogno-
scere. his et huiusmodi rationibus ostenditur causam
extra scriptum accipi non oportere.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.