Click on a word to bring up parses, dictionary entries, and frequency statistics
[42]
simile autem ex specie conparabili aut ex conferunda at-
que assimulanda natura iudicatur. contrarium est, quod
positum in genere diverso ab eodem, cui contrarium di-
citur, plurimum distat, ut frigus calori, vitae mors.
disparatum autem est id, quod ab aliqua re praeposi-
tione negationis separatur, hoc modo: sapere et non
sapere. genus est, quod partes aliquas amplectitur, ut
cupiditas. pars est, quae subest generi, ut amor, ava-
ritia. eventus est exitus alicuius negotii, in quo quaeri
solet, quid ex quaque re evenerit, eveniat, eventurum
sit. quare hoc in genere, ut commode, quid eventurum
sit, ante animo colligi possit, quid quaque ex re soleat
evenire, considerandum est, hoc modo: ex arrogantia
odium, ex insolentia arrogantia.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.