Click on a word to bring up parses, dictionary entries, and frequency statistics
[128]
Si aliud sensisse scriptor, aliud scripsisse dicetur,
is, qui scripto utetur, haec dicet: non oportere de eius
voluntate nos argumentari, qui, ne id facere possemus,
indicium nobis reliquerit suae voluntatis; multa in-
commoda consequi, si instituatur, ut ab scripto rece-
datur. nam et eos, qui aliquid scribant, non existi-
maturos id, quod scripserint, ratum futurum, et eos,
qui iudicent, certum, quod sequantur, nihil habituros,
si semel ab scripto recedere consueverint. quodsi
voluntas scriptoris conservanda sit, se, non adver-
sarios, a voluntate eius stare. nam multo propius
accedere ad scriptoris voluntatem eum, qui ex ipsius
eam litteris interpretetur, quam illum, qui sententiam
scriptoris non ex ipsius scripto spectet, quod ille suae
voluntatis quasi imaginem reliquerit, sed domesticis
suspicionibus perscrutetur.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.