Click on a word to bring up parses, dictionary entries, and frequency statistics
[105]
quare hoc genus quamquam in
iudiciis non versatur nisi quadam ex parte, tamen,
quia et pars haec ipsa inducenda nonnumquam est
et in senatu aut in consilio saepe omni in genere
tractanda, in id quoque praecepta ponemus. nam in
senatu aut in consilio de Syphace diu deliberatum
est, et de Q. Numitorio Pullo apud L. Opimium et
eius consilium diu dictum est, et magis in hoc qui-
dem ignoscendi quam cognoscendi postulatio valuit.
nam semper animo bono se in populum Romanum
fuisse non tam facile probabat, cum coniecturali con-
stitutione uteretur, quam ut propter posterius bene-
ficium sibi ignosceretur, cum deprecationis partes ad-
iungeret.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.