Click on a word to bring up parses, dictionary entries, and frequency statistics
[5]
quodsi in ceteris quoque studiis a multis
eligere homines commodissimum quodque quam sese
uni alicui certe vellent addicere, minus in arrogan-
tiam offenderent; non tanto opere in vitiis perse-
verarent; aliquanto levius ex inscientia laborarent. ac si
par in nobis huius artis atque in illo picturae scientia
fuisset, fortasse magis hoc in suo genere opus nostrum
quam illius in suo pictura nobilis eniteret. ex maiore
enim copia nobis quam illi fuit exemplorum eligendi
potestas. ille una ex urbe et ex eo numero virginum,
quae tum erant, eligere potuit; nobis omnium, quicum-
que fuerunt ab ultimo principio huius praeceptionis
usque ad hoc tempus, expositis copiis, quodcumque
placeret, eligendi potestas fuit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.