Click on a word to bring up parses, dictionary entries, and frequency statistics
[110]
eas causas, in quibus de aequo et iniquo quae-
ritur, exposuimus. restat nunc, ut de praemio et de
poena explicemus. sunt enim multae causae, quae ex
praemii alicuius petitione constant. nam et apud iudi-
ces de praemio saepe accusatorum quaeritur et a se-
natu aut a consilio aliquod praemium saepe petitur.
ac neminem conveniet arbitrari nos, cum aliquod
exemplum ponamus, quod in senatu agatur, ab iudi-
ciali genere exemplorum recedere. quicquid enim de
homine probando aut inprobando dicitur, cum ad eam
dictionem sententiarum quoque ratio accommodetur,
id non, si per sententiae dictionem agitur, delibera-
tivum est; sed, quia de homine statuitur, iudiciale est
habendum. omnino autem qui diligenter omnium cau-
sarum vim et naturam cognoverit, genere et prima
conformatione eas intelleget dissidere, ceteris autem
partibus aptas inter se omnes et aliam in alia impli-
catam videbit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.