Click on a word to bring up parses, dictionary entries, and frequency statistics
[21]
In admirabili genere causae, si non omnino infesti
auditores erunt, principio benivolentiam conparare li-
cebit. sin erunt vehementer abalienati, confugere ne-
cesse erit ad insinuationem. nam ab iratis si perspicue
pax et benivolentia petitur, non modo ea non inve-
nitur, sed augetur atque inflammatur odium. in humili
autem genere causae contemptionis tollendae causa ne-
cesse est attentum efficere auditorem. anceps genus
causae si dubiam iudicationem habebit, ab ipsa iudi-
catione exordiendum est. sin autem partem turpitu-
dinis, partem honestatis habebit, benivolentiam captare
oportebit, ut in genus honestum causa translata vi-
deatur. cum autem erit honestum causae genus, vel
praeteriri principium poterit vel, si commodum fuerit,
aut a narratione incipiemus aut a lege aut ab aliqua
firmissima ratione nostrae dictionis; sin uti prin-
cipio placebit, benivolentiae partibus utendum est, ut
id, quod est, augeatur. in obscuro causae genere per
principium dociles auditores efficere oportebit.
Nunc quoniam quas res exordio conficere oporteat
dictum est, reliquum est, ut ostendatur, quibus quae-
que rationibus res confici possit.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.