Click on a word to bring up parses, dictionary entries, and frequency statistics
[112]
Nunc ad praemii quaestionem appositos locos ex-
ponemus. ratio igitur praemii quattuor est in partes
distributa: in beneficia, in hominem, in praemii genus,
in facultates.
Beneficia ex sua vi, ex tempore, ex animo eius, qui
fecit, ex casu considerantur. ex sua vi quaerentur hoc
modo: magna an parva, facilia an difficilia, singu-
laria sint an vulgaria, vera an falsa quadam exor-
natione honestentur; ex tempore autem, si tum, cum
indigeremus, cum ceteri non possent aut nollent opi-
tulari, si tum, cum spes deseruisset; ex animo, si non
sui commodi causa, si eo consilio fecit omnia, ut hoc
conficere posset; ex casu, si non fortuna, sed indu-
stria factum videbitur aut si industriae fortuna obsti-
tisse.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.