Click on a word to bring up parses, dictionary entries, and frequency statistics
[9]
Εἰ δὲ συλλάβοι ποτὲ κατασκόπους, μὴ μιᾷ κεχρήσθω
γνώμῃ: ἀλλ̓, ἐὰν μὲν ἀσθενέστερα τὰ ἴδια
ἤπερ τὰ παρὰ τῶν πολεμίων εἶναι νομίζῃ,
κτεινάτω τούτου, ἂν δὲ καὶ ὁπλισμῷ καλῷ
κεχρημένος ᾖ καὶ παρασκευαῖς ἐντελέσι καὶ
δυνάμει πολλῇ καὶ εὐεξίᾳ σωμάτων καὶ πειθηνίῳ
στρατεύματι καὶ ἡγεμόσιν ἀρίστοις καὶ ἐμπειρίᾳ
μεμελετημένῃ, παραλαβὼν τοὺς κατασκόπους καὶ
ἐν κόσμῳ τὴν στρατιὰν ἐπιδειξάμενος οὐκ ἂν
ἁμάρτοι ποτὲ καὶ ἀθώους ἀποπέμψας. τὰ μὲν
γὰρ πλεονεκτήματα τῶν ἀντιπολέμων ἀγγελλόμενα
φοβεῖσθαι συνηνάγκασεν, τὰ δ̓ ἐλαττώματα
θαρρεῖν παρεστήσατο.
δ. Περὶ νυκτοφυλάκων