[60]
Vtrum per
deos immortalis! magis est mirandum quod is condemnatus
est, an quod omnino respondere ausus est? quid enim
illi iudices facere potuerunt? qui si innocentis Fabricios
condemnassent, tamen in Oppianico sibi constare et superioribus
consentire1 iudiciis debuerunt. an vero illi sua per
se2 ipsi iudicia rescinderent3, cum ceteri soleant in iudicando
ne ab aliorum iudiciis discrepent providere? et illi4 qui
Fabrici libertum, quia minister in maleficio fuerat, patronum,
quia conscius5, condemnassent, ipsum principem atque architectum
sceleris absolverent? et qui ceteros nullo praeiudicio
facto tamen ex ipsa causa condemnassent, hunc quem bis
iam condemnatum6 acceperant liberarent?
Click on a word to bring up parses, dictionary entries, and frequency statistics
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.