11. quid primum querar aut unde potissimum, iudices, ordiar aut quod
aut a quibus auxilium petam? deorumne immortalium, populine
Romani, vestramne qui summam potestatem habetis hoc tempore
fidem implorem?
[30]
pater occisus nefarie, domus obsessa ab inimicis,
bona adempta, possessa1, direpta, fili vita infesta, saepe ferro atque
insidiis appetita. quid ab his tot maleficiis sceleris abesse videtur?
tamen haec aliis nefariis cumulant atque adaugent, crimen
incredibile confingunt, testis in hunc et accusatores huiusce pecunia
comparant; hanc condicionem misero ferunt ut optet2 utrum malit
cervices T. Roscio dare an insutus in culleum3 per summum dedecus
vitam amittere. patronos huic defuturos putaverunt; desunt; qui
libere dicat, qui cum fide defendat, id quod in hac causa satis est45 non
deest profecto, iudices.
[31]
et forsitan in suscipienda causa temere
impulsus adulescentia fecerim; quoniam quidem semel suscepi, licet
hercules undique omnes minae6 terrores periculaque impendeant7
omnia, succurram ac8 subibo. certum est deliberatumque quae ad
causam pertinere arbitror, omnia non modo dicere verum etiam
libenter audacter9 libereque dicere; nulla res tanta exsistet10, iudices,
ut possit vim mihi maiorem adhibere metus quam fides.
[32]
etenim quis
tam dissoluto animo est qui haec cum videat tacere ac neglegere
possit? patrem meum, cum proscriptus non esset, iugulastis, occisum
in proscriptorum numerum rettulistis, me domo mea per vim
expulistis, patrimonium meum possidetis. quid voltis amplius?
etiamne ad subsellia cum ferro atque telis venistis ut hic aut
iuguletis aut condemnetis11?
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 possessio Passeratius
2 optet Beroaldus: optetur codd. T. A. Eberhard: om. codd.
3 culleum supplicium (-io ψ) parricidarum add. codd.: del. Hotoman
4 satis est ed. Mediol.: satis codd.: est satis Naugerius
5 Post satis add. quoniam quidem suscepi (ex §31) codd.: del. Heusinger
6 minae in me σχψ: immineant Halm (2): mihi minae Baiter
7 impendeant ed. R.: impediant σσχ: impendant cett.
9 audaciter Lambinus (cf. §104)
10 exsistet ω: exsistat (-it ψ) cett.
11 condemnetis Sex. Roscium add. codd.: del. Lambinus
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.