8.
[21]
ne diutius teneam1, iudices, societas
coitur. cum nulla iam proscriptionis mentio fieret2, cum etiam qui3
antea metuerant redirent ac iam defunctos
sese periculis arbitrarentur, nomen refertur in tabulas Sex. Rosci4,
hominis studiosissimi nobilitatis; manceps fit Chrysogonus; tria
praedia vel nobilissima Capitoni propria traduntur, quae hodie
possidet; in reliquas omnis fortunas iste T. Roscius nomine
Chrysogoni, quem ad modum ipse dicit, impetum facit. haec5 omnia,
iudices, imprudente L. Sulla facta esse certo6 scio.
[22]
neque enim mirum,
cum eodem tempore et ea quae praeterita sunt reparet7 et ea quae
videntur instare praeparet, cum et pacis constituendae rationem et
belli gerendi potestatem solus habeat, cum omnes in unum spectent,
unus omnia gubernet, cum tot tantisque negotiis distentus sit ut
respirare libere non possit, si aliquid non animadvertat, cum
praesertim tam multi occupationem eius observent tempusque
aucupentur ut, simul atque ille despexerit, aliquid huiusce modi
moliantur. huc accedit quod, quamvis ille felix sit, sicut est, tamen in8
tanta felicitate nemo potest esse in magna familia qui neminem
neque servum neque libertum improbum habeat.
[23]
interea iste T.
Roscius, vir optimus, procurator Chrysogoni, Ameriam venit, in
praedia huius invadit, hunc miserum, luctu perditum9, qui nondum
etiam omnia paterno funeri iusta solvisset, nudum eicit10 domo atque
focis patriis disque penatibus praecipitem, iudices, exturbat11, ipse
amplissimae pecuniae fit dominus. qui in sua re fuisset egentissimus,
erat, ut fit, insolens in aliena12; multa palam domum suam auferebat,
plura clam de medio removebat, non pauca suis adiutoribus large
effuseque donabat, reliqua constituta auctione vendebat.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 diutius vos teneam ed. V
2 cum nulla... fieret Charisius (K. i. 264) Diomedes (K. i. 390): cum... nulla fieret codd.
3 qui omnes qui Diomedes
4 nomen... Rosci Charisius et Diomedes, om. codd.
5 facit haec bona emuntur sestertiorum duobus milibus nummum add. codd. (ex §6): del. Kayser
6 certo s: certe mei
7 reparet cod. Lambini: om. mei: sanet Rinkes
8 in del. Lambinus
9 perditum w: praeditum (pro- π) cett.
10 eicit ed. V, Sylvius: eiecit codd.
11 iudices exturbat πφ1ψω: iudices sex (Sex. A) turbat ςαχ: Sex. Ro. (om. Ro. ψ2) iud. exturbat σψ2
12 aliena Arusian. (K. vii. 486): alienam codd.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.