43.
[124]
venio nunc ad illud nomen aureum Chrysogoni sub quo nomine
tota societas latuit1; de quo, iudices, neque quo modo dicam neque
quo modo taceam reperire possum. si enim taceo, vel maximam
partem2 relinquo; sin autem dico, vereor ne non ille solus, id quod ad
me nihil attinet, sed alii quoque plures laesos se3 putent. tametsi ita
se res habet ut mihi in communem causam sectorum dicendum nihil
magno opere videatur; haec enim causa nova profecto et singularis
est. bonorum Sex. Rosci emptor est Chrysogonus4.
[125]
primum5 hoc
videamus: eius hominis bona qua ratione venierunt aut quo modo
venire potuerunt? atque hoc non ita quaeram, iudices, ut id dicam
esse indignum, hominis innocentis bona venisse — si enim haec
audientur6 ac libere dicentur, non fuit tantus homo Sex. Roscius in
civitate ut de eo potissimum conqueramur — verum ego hoc7 quaero:
qui potuerunt8 ista ipsa lege quae de proscriptione est, sive Valeria
est sive Cornelia — non enim novi nec scio — verum ista ipsa lege bona
Sex. Rosci venire qui potuerunt?
[126]
scriptum enim ita dicunt esse:
VT AVT9 EORVM BONA VENEANT QVI PROSCRIPTI SVNT; quo in
numero Sex. Roscius non est: AVT EORVM QVI IN ADVERSARIORVM
PRAESIDIIS OCCISI SVNT. Dum praesidia ulla fuerunt, in Sullae
praesidiis fuit; postea quam ab armis omnes recesserunt10, in summo
otio rediens a cena Romae
occisus est. si11 lege, bona quoque lege venisse fateor. sin autem
constat contra omnis non modo12 veteres leges verum etiam novas
occisum esse, bona quo iure aut quo modo aut
qua lege venierint quaero.
This text is part of:
Search the Perseus Catalog for:
Click on a word to bring up parses, dictionary entries, and frequency statistics
1 latuit Madvig: statuit codd.
2 partem causae Kraffert
3 laesos se scripsi: laesos se esse codd. (cf. Zielinski p. 192)
4 emptor est Chrysogonus w: emptorẽ Chrysogonus ς: emptorem Chrysogonum cett.
6 audientur audaciter Richter ac] ac || ς: aut σχψ: fort. atque
7 ego hoc om. hoc A: om. ego w, Halm
9 ut aut scripsi: ut ut ς: ut cett. veneant ς: veniant cett.
10 omnes recesserunt scripsi: recesserunt (disceps. σχ. disces. ψ) codd.: recessum est C. Stephanus: recessimus Richter
12 modo more Ernesti
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.