Click on a word to bring up parses, dictionary entries, and frequency statistics
[105]
ἐξευτέλιζε ταλανίζων ἑαυτόν, ῥᾳθυμίᾳ
γνώμης, οὐχὶ φύσεως ἀσθενείᾳ, τὸ ὑστέρημα
λογιζόμενος. οὕτως οὖν ἄλλος ἄλλου καὶ πάντες
ἁπάντων ἦσαν μετριώτεροι: κενοδοξίας δὲ πάθος
ἢ ἀνθρωπαρεσκείας ποῦ ἐν ἐκείνοις; οἵτινες, τὴν
οἰκουμένην φυγόντες, διὰ τοῦτο οἰκοῦσι τὴν
ἔρημον, οὐκ ἀνθρώποις, ἀλλὰ Θεῷ τὰ κατορθώματα
δεικνύναι βουλόμενοι, παῤ οὗ καὶ τῶν
κατορθωμάτων τὰς ἀμοιβὰς ἐλπίζουσι, καλῶς
ἐπιστάμενοι ὅτι αἱ διὰ κενοδοξίαν ἐπιτελούμεναι
ἀσκήσεις ἄμισθοι, δἰ ἔπαινον γὰρ ἀνθρώπων,
καὶ οὐ διὰ τὸν Θεὸν γίνονται: ὅθεν καὶ διπλῶς
οἱ τοιοῦτοι ἀδικοῦνται, τὸ σῶμα κατατήκοντες
καὶ μισθὸν μὴ λαμβάνοντες. οἱ δὲ τῆς ἄνω δόξης
ὀρεγόμενοι καὶ πρὸς ταύτην ἐπειγόμενοι πάσης
τῆς ἐπιγείου καὶ ἀνθρωπίνης κατεφρόνησαν.
Ἔχουσι δὲ τὰς οἰκήσεις οἱ μὲν ἐν παντελεῖ
ἀναχωρήσει καὶ μονίᾳ τὸν ἀγῶνα διανύοντες,
μακρύναντες ἑαυτοὺς τῆς τῶν ἀνθρώπων συναυλίας
παῤ ὅλον αὐτῶν τὸν τῆς ζωῆς χρόνον καὶ
Θεῷ πλησιάσαντες: οἱ δέ, πόρρωθεν ἀλλήλων
τὰς οἰκήσεις πηξάμενοι, ταῖς Κυριακαῖς εἰς ἐκκλησίαν
μίαν φοιτῶσι, καὶ τῶν θείων μυστηρίων
κοινωνοῦσι, τῆς ἀναιμάκτου φημὶ θυσίας, τοῦ
[p. 178]
ἀχράντου σώματος καὶ τοῦ τιμίου αἵματος τοῦ
Χριστοῦ, ἃ τοῖς πιστοῖς εἰς ἄφεσιν ἁμαρτιῶν,
φωτισμόν τε καὶ ἁγιασμὸν ψυχῆς καὶ σώματος
ὁ Κύριος ἐδωρήσατο: καί, ἑστιῶντες ἀλλήλους
γυμνασίᾳ τῶν θείων λόγων καὶ ταῖς ἠθικαῖς
παραινέσεσι, τούς τε κρυπτοὺς τῶν ἀντιπάλων
δημοσιεύοντες πολέμους, ὥστε μὴ ἁλῶναι τούτοις
τινὰ τῆς πάλης ἀγνοοῦντα τὴν μέθοδον, οἴκαδε
John, of Damascus (attributed author). G.R. Woodward. H. Mattingly. St. John Damascene Barlaam and Joseph. William Heinemann Ltd; Harvard University Press. London; Cambridge, Mass. 1914. Keyboarding.
Google Digital Humanities Awards Program provided support for entering this text.
This work is licensed under a
Creative Commons Attribution-ShareAlike 3.0 United States License.
An XML version of this text is available for download, with the additional restriction that you offer Perseus any modifications you make. Perseus provides credit for all accepted changes, storing new additions in a versioning system.