72. τοὺς δὲ τὰ πέμματα προσέτι τε τοὺς ποιοῦντας τοὺς πλακοῦντας οἱ πρότερον δημιουργοὺς ἐκάλουν. Μένανδρος Ψευδηρακλεῖ: καταμεμφόμενος δὲ τοὺς μαγείρους ὡς ἐπιχειροῦντας καὶ οἷς μὴ δεῖ φησιν
προγεύσεταί σοι πρῶτον ἡ γραῦς τοῦ ποτοῦ.
μάγειρ᾽, ἀηδής μοι δοκεῖς εἶναι σφόδρα,
πόσας τραπέζας μέλλομεν ποιεῖν, τρίτον
ἤδη μ᾽ ἐρωτᾷς, χοιρίδιον ἓν θύομεν,
ὀκτὼ ποιήσοντες τραπέζας δ᾽ ἢ μίαν,