Σιμωνίδης δὲ οὐατόεντα σκύφον ἔφη. Ἴων δ᾽ ἐν Ὀμφάλῃ::
ὁ δὲ σκύφος με τοῦ θεοῦ καλεῖ.
τὸ σκύφει ἰδίως ἀπὸ τοῦ σκύφος σχηματίσας [p. 226] οὐδετέρως ἔφη. ὁμοίως καὶ Ἐπίχαρμος ἐν Κύκλωπι:
οἶνος οὐκ ἔνι
ἐν τῷ σκύφει,
καὶ Ἄλεξις ἐν Λευκαδίᾳ:
φέρ᾽ ἐγχέας εἰς τὸ σκύφος.
καὶ ' Ἐπιγένης ἐν Βακχίδι,
οἴνου γεραιοῖς χείλεσιν μέγα σκύφος.
Φαίδιμός τε ἐν πρώτῳ Ἡρακλείας:
τὸ σκύφος ἔχαιρον δεχόμενος.
”
δουράτεον σκύφος εὐρὺ μελιζώροιο ποτοῖο.